என் நிழ‌ல் பிம்ப‌ம்

சாகாவரம் உயிர் துகள்களை தன் நரம்பில் கோளமாக இணைத்து உயரே சுமந்தபடி ஒற்றை காலில் காற்று இறுக தழுவ தவமிருக்கிறது சாகாவரம் வேண்டி !

பயணம் சக்கர விழிகளும் விழிகளும் புறம்  பருகி மனம் நுகர்ந்து அகத்திணை மெய்நிகராய் செறிவூட்டி கொண்டு வெளியிலே ஒட்டி உறவாடிக்கொண்டு மிதந்தபடி இணையாய் நம் மனங்கள்

காமம்! சக்தி முழுதும் தீரும் வரை உயிர் கிரகித்து சொட்டு சொட்டுடாய் நின் குழல் பிரியும்  நீர் பிரசவித்தது என் காமத்தை

'பொருள்'காட்சி உண்மை உரைக்கும் உன்நிலை வெட்கப்பட வேண்டியதென்றும் தீர்வையும் மறக்காமல் சான்றும்  தரும் நீ யோசித்தால் நஷ்டம் உனக்குதான் என ஓங்கி உரைக்கும் உன்னை விட்டுவிட்டு கட்டமைத்த சாகச பிம்பம் காட்டி என் பேச்சை கேள் எனவும்  ஓங்கி உரைக்கும் நான்கே நான்கு பேர்க்காக நடக்கும் 'பொருள்'காட்சி பார்வையாளர் எதையும் பார்ப்பதில்லை ஆனாலும் கல்லா  நிறையும் பொறியில் இருந்துகொண்டு சிறு எலி தொந்தரவு  ஒழிக்க பொறி வைக்கும் ஆறறிவு வினோதன் !

செல்ல காற்றில் முட்டி மோதி வருடி நுகர்ந்து உணர்ந்து இணையான அன்புடை இணை மலர்கள்