தேனீக்கள்

-
தேன் எடுப்பது
மட்டுமே எங்கள்
ஒரே வேலை

ஓய்வு என்பதே
என்னவென்றே அறிந்திருக்காமல்
காலங்காலமாய்
ஏதோ வாழ்ந்திருந்தோம்

வீடுகட்ட இடம் பார்க்க
உடலை உருக்கி மெழுகு உமிழ
பகைவரிடம் இருந்து உடைமை காக்க

என எதுவும்
தேவையில்லை இனி
காலம் முன்னேறிவிட்டது


வீடு ஏற்கனவே தயாராய்
மெழுகுகால் ஆனா
விசாலமான ஏராளமான
அறைகள் உடன்

கண்ணுக்கு எட்டியவரை
பகைவர்களில்லை

தேன் எடுப்பது
மட்டுமே எங்கள்
ஒரே வேலை

காலம் முன்னேறிவிட்டது
என ஆனந்த
கூத்தாடின

எதற்காக தேன்
எடுக்கறோம்
என்று  மறந்தே போன

தேனீக்கள் !



Comments

Post a Comment

Popular posts from this blog

ஓவியங்கள்

-
ஓவியங்கள் படிமங்கள் கொண்டது நிலையான படிமம்மீது சலனப்படிமாய் நித்தம் புதிதாய் ஓவியங்கள் மனம் கொள்ளும் அளவு ஓவியங்களில் தானும் ஓர் அங்கம் என அறியாதோர் ஓவியனை தேடியும் தேடியவர்களை அறிந்தோர் ஓவியனை எம்மூலம்தான் கண்டறிய முடியும்மெனவும் தேடியவர்களையும் , அவனை காண அழைத்தவர்களையும் ஆழ அறிந்தோர் ஓவியனே தாமெனவும் ஓவியங்களில் தானும் ஓர் அங்கம் என அறிந்தோர் தன்னுள் தேட தேடலில் மனமளவு கண்கள் என தெளிந்து ரசிப்பர் ஓவியங்களை !
Read more

இலக்கணப்பிழை

-
Image
மூச்சு காற்றும் பேசிய அன்பு மொழியும் வளி மண்டலத்தில் உள்ளவரை பிரிந்தோம் என்பது இலக்கணப்பிழை திறன்தான் இல்லை மீண்டும் சேர்க்க
Read more

இறந்த காலத்திற்கு..

-
Image
என் காலத்தை உடைத்து சென்றாய் உறைந்து போனது உலகம் படர்ந்த கார்மேக நினைவுகள் மட்டும் மழையாய் பொழிய தன்னை விதைத்து துளிர்த்து  விழித்தது மனம் ஒவ்வொரு துளியும் பூக்கள் நிறைந்த மரமானது கண்காணும் தொலைவு வரை நறுமண நந்தவனம் வனமானது கனத்த உடைந்த காலத்தை மலைமேலே உருட்டி வந்தேன் நம்  நந்தவனத்தை இணைக்கும் முனைப்புடன் உடைந்தது உறவென்பதால் பிரிக்க இயலாமல் நானும் காலத்தோடு உருண்டு உருண்டு விழுந்தேன் விழித்தேன் வினவுகிறாய் நெடும்காலமாயிற்றா என என்முன் நீ உன் ஒளி பட்டு காலம் மீண்டும் இயங்கியது உறைந்து இறந்த காலத்திற்கு அளவுகோல் எதற்கு வா ! விதைகள் உருவாக்குவோம் சேமிப்போம் தேவைப்படும் அடுத்த இறந்த காலத்திற்கு என் கைபிடித்து செல்லயியலா எனில் மறக்காமல் என்  காலத்தை எடுத்து செல் உறைந்து இறக்கும் காலத்திற்கு அளவுகோல் எதற்கு
Read more